«Հայաստանը պետք է վերջ տա նման անպատասխանատու վարքագծին և կատարի իր պարտավորությունները». Բայրամով
Ադրբեջանի ԱԳ նախարար Ջեյհուն Բայրամովը Հարավային Կովկասում ԵՄ հատուկ ներկայացուցչի հետ քննարկել է Հայաստանի հետ սահմանին սրացումները: Հայտնում է Sputnik լրատվականի ադրբեջանական ծառայությունը:
Տոյվո Կլարը մտահոգություն է հայտնել վերջին միջադեպերի կապակցությամբ, իսկ Ջեյհուն Բայրամովը զրուցակցին տեղեկացրել է, որ Ադրբեջանը շահագրգռված չէ սահմանային լարվածությամբ և աջակցում է հարցերի դիվանագիտական լուծմանը:
«Հայաստանը պետք է վերջ տա նման անպատասխանատու վարքագծին և կատարի իր պարտավորությունները», - ընդգծեց նախարարը:
Բայրամովը եւ Կլաարը մտքեր են փոխանակել նաեւ եռակողմ հայտարարությունների իրականացման եւ տարածաշրջանում առկա իրավիճակի վերաբերյալ:
