Լրագրող Խոսե Անտոնիո Աբելանը 201-ին փորձել էր Մադրիդի «Ռեալից» 10 միլիոն եվրո ստանալ այն աուդիո ձայնագրությունները ջնջելու համար, որոնցում ակումբի նախագահ Ֆլորենտինո Պերեսը ծաղրական է խոսում թիմի խաղացողների մասին, հայտնում է Ondacero-ն:
Հրապարակման համաձայն՝ Աբելանը Մադրիդի ռեստորաններից մեկում հանդիպել է Մադրիդի «Ռեալի» այն ժամանակվա փոխնախագահ Էդուարդո Ֆերնանես դե Բլասին և ցանկացել է 10 միլիոն եվրո ստանալ աուդիո ձայնագրությունները ոչնչացնելու համար: Աբելանը մերժվել է և երկար տարիներ փորձել անհաջող վաճառել աուդիո ձայնագրությունները իսպանական լրատվամիջոցներին:
Երեքշաբթի օրը El Confidencial-ը հրապարակեց աուդիո ձայնագրություն, որում Պերեսը քննադատում է մադրիդյան ակումբի ու Իսպանիայի ազգային հավաքականի նախկին ֆուտբոլիստներ Իկեր Կասիլյասին ու Ռաուլին: Չորեքշաբթի օրը տարածվեց Մադրիդի «Ռեալի» նախագահի մեկ այլ վարկաբեկող աուդիո ձայնագրություն, որում նա կտրուկ է արտահայտվում նախկին ֆուտբոլիստ Կրիշտիանու Ռոնալդուի և Արքայական ակումբի նախկին մարզիչ Ժոզե Մոուրինյոյի մասին: Նախօրեին հայտնի դարձավ, որ Ֆլորենտինո Պերեսը փաստաթղթերը հանձնել է փաստաբաններին՝ Աբելանի և El Confidencial-ի դեմ դատական ​​հայց ներկայացնելու համար: