Որտեղ մենք նախընտրական քարոզչություն չենք արել, պարզվում է մենք ավելի շատ ձայն ենք ստացել. Դավիթ Հարությունյան
Որտեղ մենք նախընտրական քարոզչություն չենք արել, պարզվում է մենք ավելի շատ ձայն ենք ստացել: Այս մասին այսօր, ՍԴ-ում ընտրությունների արդյունքները անվավեր ճանաչելու դիմումի քննության ժամանակ ասաց «Պատիվ ունեմ» դաշինքի ներկայացուցիչ Դավիթ Հարությունյանը` պատասխանելով Բադասյանի հարցադրմանը, թե ինչու են իրենք ավելի շատ ձայն հավաքել ՔԿՀ-ներում, քան իշխանությունը:
«Նրանք, ովքեր դրսում էին, նրանց վրա դուք ազդեցիք, եւ դրա պատճառով հասարակությունում ուրիշ պատկեր է, որտեղ մենք ունեինք քարոզիչներ, իսկ այնտեղ, որտեղ դուք չէիք էլ մտածե, չէիք էլ ահաբեկել, ուրիշ պատկեր տեղի ունեցավ: Ես շնորհակալություն եմ հայտնում, որ դուք վերահաստատեցիք եւ բերեցիք վառ օրինակ, որ իմ ասածը ճիշտ է: Դուք քարոզիչներին ճնշեցիք, դրա համար հասարակությունից դուրս եղավ այդ պատկերը»,- ասաց Հարությունյանը:
Բադասյանի հարցին,թե դաշինքի ներկայացուցիչը պնդում է, որ վարչական ռեսուրս է կիրառվել, ապա այդ դեպքում ո՞նց է եղել, որ ՔԿՀ-ներում դա չի կիրառվել, Հարությունյանը ասաց, որ ՔԿՀ-ներում ընտրողների թիվն այդքան էլ մեծ չէ, այդ պատճառով իշխանությունները դրան ուշադրություն չեն դարձրել:
