ԵԱՀԿ Մինսկի խմբի երկրների դեսպանների Շուշի չայցելելը մեսիջ է՝ Արցախի հարցը չի լուծվել. միջազգայնագետ Լուսինե Ժամհարյան

Միջազգայնագետ Լուսինե Ժամհարյանը իր ֆեյսբուքյան էջոււմ գրառում է արել, որում ասվում է.

‹‹Ադրբեջանի կառավարության հրավերով Շուշի այցելած 46 պետությունների դեսպանների շարքում չկային երեք տերությունների՝ ԱՄՆ-ի, Ֆրանսիայի և Ռուսաստանի դեսպանները:

Վերջիններս չեն ընդունել պաշտոնական Բաքվի հրավերը և հրաժարվել են մեկնել այնտեղ:

Վերոնշյալ երեք գերտերությունները՝Մինսկի խմբի համանախագահ երկրներն են և նրանց մեսիջն Իլհամ Ալիևին հստակ է՝Արցախի հարցը չի լուծվել և Մինսկի խմբի շրջանակներում բանակցություններին այլընտրանք չկա: Մինսկի խմբի բանակցային ֆորմատը փոփոխության չի ենթարկվելու և արցախյան հարցը քննարկվելու և իր վերջնական լուծումն է գտնելու ԱՄՆ-ի, Ֆրանսիայի և ՌԴ-ի միջնորդական ջանքերով: Բաքվի փորձերն արցախյան հարցը փակված համարել կամ այլ հարթակներ տեղափոխել՝ձախողվելու են: Արցախյան հարցը լուծված չէ, իսկ Ադրբեջանն իր ռազմական հանցագործությունների համար պետք է պատասխանատվության ենթարկվի››:

[5c8f74b9594a73396ae1ce9221eaa0b5.jpg]