Պեսկովը պարզաբանել է` ինչու հնարավոր չէ համաշխարհային պատերազմը

Կրեմլի խոսնակ Դմիտրի Պեսկովը կարծում է, որ ներկայումս համաշխարհային պատերազմ հնարավոր չէ, քանի որ պահպանվում է միջուկային պարիտետը։ «Արդյոք հնարավոր է, որ պատերազմ լինի։ Նախագահ Պուտինը հստակ ասաց ուղիղ կապի ժամանակ, որ դժվար թե։ Եվ այստեղ մեզ ապահովագրում է միջուկային պարիտետը»,- ասել է Կրեմլի խոսնակը։

Նրա խոսքերի համաձայն, միջուկային պարիտետը մի մեխանիզմ է, որը բալանսավորում է միջազգային հարաբերությունները։ Կրեմլի խոսնակն ընդգծել է, որ մշտապես նկատվում են փորձեր այդ պարիտետը խախտելու, սակայն Ռուսաստանը մի շարք քայլեր է ձեռնարկել, որպեսզի ապահովագրի ողջ համակարգը։ Խոսքը այնպիսի համակարգերի մշակման մասին է, որոնք պահպանում են պարիտետը։ «Կարծում եմ, որ առհասարակ պատերազմի մասին խոսելու կարիք չկա, քանի որ այն անհնար է»,- ասել է Պեսկովը։