ՏԵՍԱՆՅՈՒԹ․ Փիղը ոչնչացրել է տան խոհանոցի պատը և օգտվում է մթերքներից
Փիղը հաճախ է հյուր գալիս թաիլանդական փոքրիկ գյուղի բնակիչներին: Նա իր կնճիթը խցկում է պատուհանից ներս՝ հույս ունենալով վայելել կերակրի մնացորդները:
«Նա կրկին եկել է, որպեսզի կերակուր հայթայթի: Վաղ առավոտյան նա գլուխը մտցրել է Քիթիչայի խոհանոց եւ կնճիթով ուտելիք է փնտրում»,- Facebook-ում տեղադրած իր տեսանյութին կից հեգնանքով գրել է Քիթիչայ Բուդչանը, որը նկարահանել է, թե ինչպես է փիղը ներխուժում իրենց խոհանոց:
Նրանք չեն վախենում փղից, քանի որ նա հաճախ է այցելում իրենց գյուղի տները: Նրա խոսքով՝ մայիսին փիղը փաստացի ոչնչացրել է իրենց խոհանոցի պատը՝ դարձնելով այն բացօթյա խոհանոց:
