Ադրբեջանում հայ ռազմագերիների դատն է ընթանում
Յասամալի շրջանային ռազմական դատարանում այսօր մեկնարկել է հայ գերիներից Լյուդվիգ Մկրտիչի Մկրտչյանի և Ալյոշա Արամայիսի Խոսրովյանի գործը: Ադրբեջանը վերջիններս մեղադրում է Արցախյան առաջին պատերազմում ադրբեջանցի ռազմագերիներին իբր կտտանքների ենթարկելու համար:
Լյուդվիգ Մկրտչյանը գերեվարվել է 2020 թ. հոկտեմբերի 20-ին` Ֆիզուլում, Ալյոշա Խոսրովյանը՝ 2020-ի հոկտեմբերի 3-ին:
Ադրբեջանական լրատվամիջոցների տվյալներով՝ պատրաստվում են 14 ռազմագերիների դատավարություններ՝ նման մեղադրանքներով։ Շինծու գործով որպես տուժած անցնում է 12 ադրբեջանցի:
Այսպիսով, Ադրբեջանը ակնհայտորեն անտեսում է միջազգային հանրության և կառույցների` գերիներին անհապաղ ազատ արձակելու բոլոր կոչերը։
