Ռոբերտ Քոչարյանը հանդիպել է իրավաբան-գիտնականների, փաստաբանների, նախկին իրավապահներին
ՀՀ երկրորդ նախագահ, «Հայաստան» դաշինքի լիդեր Ռոբերտ Քոչարյանն այսօր՝ մայիսի 31-ին, հանդիպել է իրավաբան-գիտնականներին, փաստաբաններին եւ նախկին իրավապահներին։
«Հանդիպման ընթացքում քննարկվել են ոլորտի բարեփոխումներին, դատարանների ծանրաբեռնվածությանը, դատավորների վեթինգին վերաբերող մի շարք հարցեր։ Հանդիպման մասնակիցներն անդրադարձել են նաև սահմանադրական բարեփոխումներ իրականացնելու հնարավորությանը, մարտի 1-ի քրեական գործին և Արցախի ու Հայաստանի անվտանգությանը վերաբերող հարցերին»,- ասված է դաշինքի տարածած մամուլի հաղորդագրության մեջ։
