Կութ համայնքի դեկավարը՝ սահմանային իրավիճակի մասին. ArmDaily
Երեկվա լարված ու ծանր օրվանից հետո՝ այսօր մեզ մոտ դեռ ամեն ինչ խաղաղ է, այսօր դեռ կրակոցներ չկան։
Այս մասին ArmDaily.am-ի հետ զրույցում ասաց Կութ համայնքի դեկավար Սիմա Չիտչյանը։
«Երեկ երեկոյան ժամը 9-ին մոտ կրկին կրակոցներ էին լսվում, չեմ կարող ասել՝ որ կողմից էին կրակողները, բայց գյուղում էլ լսվում էին ավտոմատի «օչերեդները», բայց դե չենք իմանում, թե որ կողմից էին կրակում՝ մեր, թե իրենց։ Կողք կողքի կանգնած են՝ իրենք վերև, մերոնք՝ ներքև»։
Նա նշեց, որ դեպի գյուղ կրակոցներ չեն եղել։ «Հիմնականում զինվորականների միջև են կրակոցները, բայց դե ամեն դեպքում գյուղում լարվածությունը շատ մեծ է։
Դե բնական է՝ վախ կա մարդկանց մեջ, բայց դե ոչ մի ընտանիք գյուղից չի հեռացել, դե ուր գնան, հազիվ ստեղ՝ իրենց անասունով, իրենց տնտեսությունով ապրում են, թողնեն ո՞ւր գնան»։
