Ծառուկյանի և Սուքիասյանի բարեկամական կապերը ինչպե՞ս կանդրադառնան ընտրությունների վրա․ Աբովյանը պատասխանել է լրագրողներին
Մենք մեր առջև քաղաքական ուժերի հետ որևէ կոալիցիա ստեղծելու նպատակ չենք դնում։ Այս մասին մայիսի 26-ին լրագրողների հետ զրույցում ասաց ԲՀԿ խորհրդարանական խմբակցության քարտուղար Արման Աբովյանը։
Նրա խոսքով՝ այդ հարցն անգամ չի քննարկվում, իսկ Նիկոլ Փաշինյանի «Քաղաքացիական պայմանագիր» կուսակցության հետ կոալիցիա ձեւավորելու մտադրության մասին տեղեկությունը սուտ է։ «Մենք գնում ենք, որպեսզի հաղթենք և ինքներս ձևավորենք իշխանություն»,- նշել է նա։
Անդրադառնալով «Բարգավաճ Հայաստան» կուսակցության նախագահ Գագիկ Ծառուկյանի և գործարար Խաչատուր Սուքիասյանի բարեկամական կապերի փաստին, որը մտնելու է Հայաստանի վարչապետի պաշտոնակատարի կուսակցության համամասնական ցուցակ, պատգամավորը կոչ է արել չփորձել անձնական հարաբերությունները բերել քաղաքական հարթություն։
