«ՀԱՊԿ-ի դռները բոլորի, այդ թվում` Ադրբեջանի առաջ պետք է բաց լինեն». ՌԴ փոխարտգործնախարար
Ռուսաստանի Դաշնության փոխարտգործնախարար Անդրեյ Ռուդենկոն Известия պարբերականին տված հարցազրույցում գնահատել է ՀԱՊԿ ընդլայնման հեռանկարները:
Իր խոսքում դիվանագետն ասել է, որ «ՀԱՊԿ-ի դռները բոլորի, այդ թվում` Ադրբեջանի առաջ պետք է բաց լինեն»:
«Միակ բանը, որ կարող է սահմանափակել երկրի մուտք գործելը, կազմակերպության կանոնադրության որոշ դրույթներն են, ըստ որոնց` ՀԱՊԿ-ին անդամակցելու համար անհրաժեշտ է, որպեսզի անդամ պետությունների միջև դիվանագիտական հարաբերություններ լինեն: Նման հարաբերություններ Հայաստանի և Ադրբեջանի միջև առայժմ չկան: Երբ դրանք հաստատվեն, լիահույս ենք, որ դա վաղ, թե ուշ դա տեղի կունենա, այն ժամանակ էլ այդ հարցը կարող է դրվել գործնական հարթությունում` այս կամ այլ տեսքով»,-եզրափակել է Ռուդենկոն:
