Չինաստանը 1 միլիոն դոլար կհատկացնի Պաղեստինին օգնելու համար

Պեկինը ողջունել է Իսրայելի եւ «ՀԱՄԱՍ»-ի միջեւ հրադադարի մասին համաձայնագիրը ՝ բռնությունները դադարեցնելու եւ խաղաղ բանակցություններին վերադառնալու հույս հայտնելով, հայտնում է AFP-ն: 

Պեկինը հայտարարել է, որ միջազգային հանրությունն այժմ պետք է «օգնության ձեռք մեկնի» տարածաշրջանին, իսկ Չինաստանը 1 մլն դոլար շտապ օգնություն եւ եւս 1 մլն դոլար կտրամադրի պաղեստինցիներին օգնելու ՄԱԿ-ի ջանքերին: Այն նաեւ Covid-19-ի դեմ պատվաստանյութի 20000 դեղաչափ կտրամադրի պաղեստինցիներին: 

«Չինաստանը ողջունում է հրադադարի ռեժիմը է իսրայելա-պաղեստինյան հակամարտության կողմերի միջեւ եւ հույս ունի, որ շահագրգիռ կողմերը բարեխղճորեն կհետեւեն հրադադարի ռեժիմին եւ բռնության դադարեցմանը», - ուրբաթ մամուլի ասուլիսին ասել է արտաքին գործերի նախարարության ներկայացուցիչ Չժաո Լիցզյանը: 

«Միջազգային հանրությունը պետք է նպաստի Պաղեստինի եւ Իսրայելի միջև խաղաղ բանակցությունների վերսկսմանը եւ հասնի Պաղեստինի հարցի համապարփակ, արդար եւ կայուն լուծմանը, որը հիմնված կլինի երկու պետության որոշման վրա»,- հավելել է նա: 

Նրա խոսքով՝ Չինաստանը պատրաստ է աշխատել միջազգային հանրության հետ՝ «պաղեստինա-իսրայելական լարված իրավիճակն էլ ավելի մեղմել օգնելու համար»: