ԱԳՆ-ն այդ փաստաթղթի մասին որևէ տեղեկություն չունի. փոխնախարար

Այդ փաստաթղթի մասին որևէ տեղեկություն ԱԳՆ-ն չունի։ Այս մասին լրագրողների հետ զրույցի ժամանակ ասաց ԱԳ փոխնախարար Ավետ Ադոնցը։

«Ձեր հարցերի հասցեատերը կառավարությունը և կառավարության աշխատակիցները»,-նշեց փոխնախարարը։
Դիտարկմանը, որ ըստ տեղեկությունների՝ ԱԳՆ-ն դեմ է փաստաթղթին, Ավետ Ադոնցն ասաց, որ այլ պատասխան տալ չի կարող. «Ես այդ փաստաթղթից տեղյակ չեմ»։

Անդրադառնալով Սյունիքի և Գեղարքունիքի մասով բանակցություններին, փոխնախարարն ասաց, որ բանակցությունները հիմնականում տեղի են ունենում ուժայինների միջև. «ԱԳ նախարարությունը իհարկե հետևում է և տեղյակ է, բայց երեկ ադրբեջանական կողմը բանակցություններին ներկա չեղավ, տեսնենք՝ ինչ շարունակություն կունենա»,-ասաց փոխնախարարը։