Նախօրեին տեղի ունեցած միջադեպն է, որի մասին ահազանգել էի. Թագուհի Թովմասյանը հայտնի տեսանյութի մասին

Համացանցում տարածվում է տեսանյութ, որում երևում է Գեղարքունիքում ադրբեջանցիների կողմից հայ սահմանապահների վրա հարձակման կադրերը: Կադրերում թշնամին Հայատանի տարածքում նսեմացնում ու հարվածում է հայ զինծառայողներին:

ArmDaily.am-ի հետ զրույցում անկախ պատգամավոր Թագուհի Թովմասյանն ասաց, որ դա նախօրեին տեղի ունեցած միջադեպ է, որի մասին ահազանգել էր։ «Ադրբեջանցիները լկտիացել են, վիճաբանության մեջ են մտնում և ծեծում են հայ սահմանապահներին, մենք պետք է համարժեք պատասխան տանք»։
Հարցին, թե արդյոք միջադեպի արդյունքում գերիներ ունենք, նա պատասխանեց, որ այդ մասին միայն ՊՆ-ն կարող է պարզաբանում տալ։ 
 

Անդրադառանալով այսօրվա սահմանային իրավիճակին, նա ասաց, որ այս պահին թերևս նորությունն այն է, որ նորություն չկա։ «Թշնամին առաջխաղացում չունի»։

ՊՆ-ից նշել են, որ տեսանյութը դեռ ուսումնասիրվում է, ավելի ուշ կլինի պաշտոնական հաղորդագրություն: