Բեռլինը չի հերքում․ ՌԴ ՊՆ-ի տվյալները ճիշտ են

Բեռլինը չի հերքում, որ ՌԴ պաշտպանության նախարարության ցուցակում ընդգրկված օբյեկտներում Կիևի համար ռազմական արտադրություն է իրականացվում, հայտարարել է Գերմանիայում ՌԴ դեսպան Սերգեյ Նեչաևը, գրում է «ՌԻԱ Նովոստի»-ն։

«Ոչ ոք չի հերքում, որ դա ռազմական արտադրություն է և նախատեսված է Ուկրաինայի համար՝ այստեղ Վլադիմիր Զելենսկու վերջերս կատարած այցի և Գերմանիայի ու Ուկրաինայի միջև ռազմավարական գործընկերության հարաբերությունների հաստատման համատեքստում, մասնավորապես՝ ռազմատեխնիկական համագործակցության ոլորտում», - հայտարարել է Նեչաևը։

Ավելի վաղ Ռուսաստանի պաշտպանության նախարարությունը պաշտոնական փաստաթղթում հրապարակել էր այն հասցեները, որտեղ գտնվում են Ուկրաինայի համար անօդաչու թռչող սարքեր և ԱԹՍ-ների բաղադրիչներ արտադրող «ուկրաինական» և այլ պետությունների հետ համատեղ ձեռնարկությունները։