17:00 Լուրերը մեկ տողով. Էլեկտրաէներգիայի գնանկման նախագիծ, քաղաքական նոր դաշինք և կալանված լցանավ

Անցած ժամվա լուրերը՝ հակիրճ և բովանդակային.


•Հանրային ծառայությունները կարգավորող հանձնաժողովը կքննարկի էլեկտրաէներգիայի միացման վճարները մինչև 40%-ով նվազեցնելու նախագիծը։

•«Ապրելու երկիր» կուսակցությունը և «Ուժեղ Հայաստան» դաշինքը միավորվել են՝ խորհրդարանական ընտրություններին միասնական ցուցակով մասնակցելու նպատակով։

•Եվրամիությունը ծրագրում է Հարավային Կովկասով անցնող նոր էներգետիկ և լոգիստիկ ուղիներ զարգացնել՝ շրջանցելով Ռուսաստանն ու Իրանը։

•ԱՄՆ զինված ուժերը Հնդկախաղաղօվկիանոսյան գոտում կալանել են Իրանին աջակցության մեջ կասկածվող պատժամիջոցային լցանավը։

•Դոնալդ Թրամփը հայտարարել է, որ Վաշինգտոնը շահագրգռված չէ Իրանի հետ հրադադարի երկարաձգմամբ և ակնկալում է նոր գործարք։

•Դմիտրի Մեդվեդևը կարծիք է հայտնել, որ ԱՄՆ-ն չի ներքաշվի Եվրոպայի համար մղվող պատերազմի մեջ և խուսափում է Ռուսաստանի հետ բախումից։

•Քննչական կոմիտեի գործողությունների արդյունքում տնտեսական հանցագործության վարույթով պետական բյուջե է վերականգնվել 326 մլն դրամ։