Հ1-ը ապրիլի 24-ին Ծիծեռնակաբերդից ուղիղ միացում կապահովի մինչև 13։00-ն

Ապրիլի 24-ին Հանրային հեռուստաընկերությունը  Ծիծեռնակաբերդի հուշահամալիրից ուղիղ միացում կապահովի մինչև 13։00-ն:

Հայաստանի Հանրային հեռուստաընկերության կայքում զետեղված հեռուստածրագիրը փաստում է, որ այս տարի Ծիծեռնակաբերդից իրականացվող հեռարձակման տևողությունը կրճատվելու է։ Ի տարբերություն նախորդ տարիների, երբ ուղիղ միացումը պահպանվում էր մինչև ուշ երեկո, այս անգամ Հայոց ցեղասպանության զոհերի հիշատակի արարողությունը եթերում կլինի միայն ժամը 09:00-ից մինչև 13:00-ն։ 


Համաձայն հրապարակված ժամանակացույցի՝ ժամը 13:00-ից սկսած կհեռարձակվեն այլ հաղորդումներ: