Պեսկովը պտասխանել է Պուտին-Բայդեն հանդիպման մասին հարցին

Ռուս-ամերիկյան գագաթնաժողովի անցկացման վայրի մասին վերջնական պայմանավորվածություն չկա, այն հենց որ և եթե լինի, կհետեւի համապատասխան հաղորդագրությունը: Այդ մասին հայտարարել Է ՌԴ նախագահի մամուլի քարտուղար Դմիտրի Պեսկովը:

Ավելի վաղ ՌԴ ԱԳ փոխնախարար Սերգեյ Լավրովը հաղորդել Էր, որ Ռուսաստանի եւ ԱՄՆ-ի նախագահներ Վլադիմիր Պուտինի և Ջո Բայդենի հանդիպման անցկացման մասին վերջնական պայմանավորվածություն դեռ չկա, բայց եթե այն ձեռք բերվի, ապա գագաթնաժողովը կարող Է անցկացվել «եվրոպական դիվանագիտական մայրաքաղաքներից մեկում: Ընդ որում, ՌԻԱ Նովոստիի աղբյուրների տվյալներով, առաջիկա գագաթնաժողովը, եթե Ռուսաստանը համաձայնություն տա, կարող Է կայանալ Ժնեւում:

«Ես առաջվա պես ոչինչ չունեմ հաղորդելու այդ թեմայի վերաբերյալ: Ես առաջարկում եմ գուշակություններ չանել սուրճի մրուրով: Հենց որ եւ եթե վերջնական պայմանավորվածություն ձեռք բերվի, մենք համապատասխան հաղորդագրություն կտանք»,-ասել Է Պեսկովը լրագրողներին՝ ի պատասխան այն հարցի, թե իսկապես կողմերը Շվեյցարիան են դիտարկում գագաթնաժողովի անցկացման համար, հաղորդել Է ՌԻԱ Նովոստին: