Ջրամբարում ջուր չկա. Արտենի համայնքի բնակիչները այս պահին փակել են Երևան-Գյումրի մայրուղին
Արտենի համայնքի բնակիչները այս պահին փակել են Երևան-Գյումրի մայրուղին: Արդեն մի քանի օր շարունակ բնակիչներին տեղեկացվել է, որ համայնքում ոռոգման ջրի ջրանջատումներ են սպասվում:
«Մեզ ասացին, որ ջուրն անտաջելու են ամսի 16–ից սկսած, սակայն գյուղի հիմնական մասը չի հասցրել դեռ ջրել իր այգին կամ հողատարածքը»:
Այս մասին մեզ հետ զրույցում ասաց Արտենի համայնքի բնակիչ Գարրկ Մարտիրոսյանը, ով հավելեց, որ չհասցնելու պատճառը հերթագրումն է:
Ըստ բնակչի համյանքում մի քանի մարդ արդեն հասցրել է ջրել, քանի որ ըստ հերթագրման ջրանջատում չի եղել:
«Մեզ ասացին ամիս 16-ից հետո պետք է անջատեն, քանի որ ջրամբարում բավարար պաշար չկա»:
Auroranews-ը կապ հաստատեց տարածքային ջրօգտագործողների միության տնօրենի հետ, ով մեզ հետ զրույցում ասաց, որ տեղյակ են շահերի բախում կա, սակայն ջրամբարում շատ քիչ ջուր կա, այդ իսկ պատճառով որոշում է կայացվել անտաջել հիմա:
Մեր հարցին՝ արդյո՞ք չի եղել այլընտրանքային լուծում, որպեսզի մյուս գուղացիների ամբողջ տարվա աշխատանքը չվնասվի՝ տնօրենն ասաց. «Ո՛չ»:
«Ավելի լավ է, այս պահին չջրի մի քանի հոգի, սակայն օգոստոսին ջրեն բոլորը, Էլի եմ ասում ջուր չկա: Հիմա մեկը գարի է ցանել, մեկը ծառեր ունի իր այգում, որ մեկին տա՞նք»,-ասաց տնօրենը:
Ներկայացված լուսանկարում Գարիկ Մարտիրոսյանի այգին է՝ արդեն չորածաց ու սպասվելիք բերքը վնասված:
