Գորիսի քաղաքապետը՝ «Սեւ լճի» մասին
Քաղաքագետ Էդգար Էլբակյանը ժամեր առաջ գրել էր, որ Սյունիքի մարզի եւ Արցախի Քաշաթաղի շրջանի հատման տեղում գտնվող «Սեւ լճի» մեծ մասը համաձայն ԽՍՀՄ քարտեզների գտնվում է Սյունիքի տարածքում, սակայն ադրբեջանցիներն այդ տարածքն ամբողջապես օկուպացվել են: Որպես ասվածի ապացույց, Էլբակյանը ներկայացրել էր ադրբեջանական ցանցերում տարածած մի տեսանյութ։ Auroranews -ը կապ հաստատեց Գորիսի քաղաքապետ Առուշան Առուշանյանի հետ։ Մեզ հետ զրույցում քաղաքապետը հայտնեց, որ համաձայն ԽՍՀՄ քարտեզների, Սեւ լճի մեծ մասը `ձախակողմյան հոսքը, գտնվում է Հայաստանի տարածքում, իսկ մի որոշ հատված էլ Ադրբեջանի վերահսկողության ներքո է:
«Լիճը չի վերահսկվում միայն հակառակորդի կողմից, այնտեղ նաեւ մեր դիրքերն են: Այս պահին դե ֆակտո «Սեւ լճից» ոչ մեր եւ ոչ էլ ադրբեջանի քաղաքացիները չեն կարող օգտվել, քանի որ լճի տարածքը համարվում է նեյտրալ զոնա», - ասաց մեր զրուցակիցը:
