200 չվճարված տուգանքը մոդելին «արժեցել» է՝ 250 000 դոլար արժողությամբ Lamborghini
Ռուսաստանում ճանապարհային ոստիկանությունն առգրավել է մոդելի՝ 258 800 դոլար արժողությամբ Lamborghini-ն, երբ վերջինս չի վճարել 199 տուգանք, գրում է Luxury Launches-ը։
Անցյալ տարի Playboy-ի մոդել Նաստյա Իվլեևան Instagram-ում հայտնել էր, որ «գնել է իր երազանքների Lamborghini Aventador-ը», սակայն օրերս իր երկրպագուներին տեղեկացրել էր, որ իր սուպերքարն առգրավել են։
«Իմ սիրելիին ինձնից տանում են»,- գրել էր նա։
Հաղորդվում է, որ տուգանքները սահմանվել են մի շարք իրավախախտումների, այդ թվում՝ արագությունը գերազանցելու համար։
Նշվում է, որ ավելի ուշ նա վճարել է բոլոր տուգանքները և հետ է վերադարձրել իր թանկարժեք մեքենան։
