ՊԵԿ-ն անցած տարի 14 միլիոն դոլարի պարգևավճար է ստացել. Աննա Կոստանյան
2020 թվականին ՊԵԿ-ը 6,8 միլիարդ դրամի (14,2 միլիոն ԱՄՆ դոլար) պարգևավճար է ստացել: Այս մասին Ազգային ժողովում հայտարարեց ԼՀԿ-ական պատգամավոր Աննա Կոստանյանը՝ հիշեցնելով, որ խոսքը վերաբերում է կորոնավիրուսային ու պատերազմային տարուն:
Նշենք, որ պարգևավճարների մասին թեման խորհրդարանում բացեց իմքայլական պատգամավոր Սիսակ Գաբրիելյանը՝ խոսելով մասնավորապես ընդդիմադիր պատգամավորների ստացած պարգևավճարների մասին, սակայն, ինչպես իր խոսքում ասաց ԲՀԿ-ական պատգամավոր Արման Աբովյանը, մոռացավ ասել, որ մասնավորապես ԲՀԿ-ն մեկ տարի իր պարգևատրումները հատկացրել է կորոնավիրուսի դեմ պայքարին, իսկ դրանից հետո պատերազմից տուժածներին օգնելուն:
ԱԺ նախագահ Արարատ Միրզոյանն իր հերթին ասաց, որ ԱԺ պատգամավորները վերջին անգամ պարգևավճար ստացել են անցած տարի փետրվարին:
