Փաստորեն, կարելի է գրեթե բոլոր բնագավառներում ձախողել ու հետո գնալ ընտրությունների, կարծես թե ոչինչ էլ չի եղել. Ջուլֆալակյան
Փաստորեն, կարելի է գրեթե բոլոր բնագավառներում ձախողել, որոնցից գլխավորը՝ անվտանգության և տարածքային ամբողջականության կարևորագույն հարցում, ու հետո գնալ ընտրությունների, կարծես թե ոչինչ էլ չի եղել: Այս մասին ֆեյսբուքյան իր էջում գրել է նախկին պատգամավոր, բռնցքամարտիկ Արսեն Ջուլֆալակյանը:
«Ահա այն ամենը, ինչ պետք է իմանալ Հայաստանում քաղաքական գործիչների պատասխանատվության և հաշվետվողականության վերաբերյալ։
Սպասենք ամենամանիպուլյատիվ քարոզարշավի և ոչ միայն:
հ.գ. Ելնելով իշխող քաղաքական ուժի հայտարարություններից՝ ստացվում է, որ 2 շաբաթում ժողովրդի մոտ հանկարծ արտահերթ ընտրությունների հանրային լրջագույն պահանջ առաջացավ»,- գրել է Ջուլֆալակյանը:
Նշենք, որ ավելի վաղ Նիկոլ Փաշինյանն իր ֆեյսբուքյան էջում տեղեկացրել էր, սույն թվականի հունիսի 20-ին Հայաստան Հանրապետությունում կանցկացվեն արտահերթ խորհրդարանական ընտրություններ:
