Փաշինյանը որոշում է կայացրել մարտի 15-ից կրկին փակե՞լ երկիրը՝ կորոնավիրուսով պայմանավորված
Նիկոլ Փաշինյանը որոշում է կայացրել մարտի 15-ից կրկին փակել երկիրը՝ կորոնավիրուսի պատճառաբանությամբ: Այս մասին հայտնում է Mediaport թելեգրամյան ալիքը:
Ըստ ալիքի՝ Փաշինյանը մարտի 9-ին հանձնարարել է ԱԱԾ-ին նախապատրաստել համապատասխան հիմքեր մարտի 15-ից կոնորավիրուսի վիճակի վատթարացման պատրվակով երկիրը կրկին փակելու, հավաքներն արգելելու համար։ Ըստ պլանի՝ երկիրը կվերադառնա խիստ սահմանափակումների ռեժիմ՝ օնլայն դասապրոցեսով, հանրային վայրերի աշխատանքի արգելքով:
Փաշինյանի հրահանգից հետո կորոնավիրուսի դեպքերը կտրուկ սկսել են աճել, քանի որ հանձնարարվել է համատարած դրական պատասխաններ տալ պոլիկլինիկաներում հանձնված թեստերին։
Բազմաթիվ դեպքեր կան, որ մասնավոր կլինիկայում անցկացված կրկնահետազոտության արդյունքում պոլիկլինիկայի դրական պատասխանը հերքվել է։
Նույն աղբյուրը ուշադրություն հրավիրեց նաև մահերի ցուցանիշների վրա, որոնք անհամեմատ փոքր են վարակի դեպքերի համեմատ։ Օրինակ երեկ՝ 700-ից ավելի վարակման նոր դեպքի մասին հայտարարությանը զգուգահեռ հաղորդվեց 2 մահվան մասին, այսօր՝ 800-ից ավելի դեպք և 5 մահ, ինչը ևս վկայում է, որ թվերը կեղծվում են՝ քաղաքական նպատակների պատճառով։
Auroranews-ը կապ հաստատեց ՀՀ վարչապետի խոսնակ Մանե Գևորգյանի հետ, ով չմեկնաբանեց լուրը՝ խորհուրդ տալով կապ հասատել Առողջապահության նախարարություն, որտեղից էլ մեզ ասացին, որ նման հարց այս պահին չի քննարկվում:
