Այս պահին դեռ աշխատանքի ընդունման վերջնական որոշում չկա. «Նոր տունը»՝ վարչապետի որդու աշխատանքի անցնելու մասին
Նիկոլ Փաշինյանի որդին՝ Աշոտ Փաշինյանը դիմել է աշխատանքի համար և անցել հարցազույց, սակայն այս պահին դեռ աշխատանքի ընդունման վերջնական որոշում չկա: Այս մասին Auroranews-ի հետ զրույցում ասացին «Նոր տուն» խանութների ցանցից:
«Նրա թեկնածությունը հավասարապես է դիտարկվելու՝ ինչպես մյուս բոլոր դիմորդներինը»:
Հիշեցնենք, որ քիչ առաջ մամուլում տեղեկություն տարածվեց այն մասին, որ Աշոտ Փաշինյանը ցանկություն է հայտնել աշխատանքի անցնել «Նոր տուն» խանութների ցանցում՝ սպասարկման բաժնում։
Սա արվում է նրա համար, որ ՀՀ «հպարտ» քաղաքացիներին ցույց տան, թե իրենց որդին հավասար է բոլորին, պետական պաշտոնի չի նշանակվում, չնայած որ և քայլել է և ի տարբերություն իշխանական տարբեր տրամաչափի չինովնիկների, ծառայել է բանակում։
