Իմ խուզարկության սանկցիայի մեջ գրված էր, որ ես «Արմենպրես»-ի տնօրենն եմ. Սաղաթելյան

Գրասենյակից խուզարկությունից հետո առգրավեցին ինչ կարող էին, եթե շուն ունենայինք, շանն էլ կառգրավեին, արգելեցին փաստաբան կանչել, լրագրողներին պատմեց ԱԺ աշխատակազմի նախկին ղեկավար Արա Սաղաթելյանն, ով վերաքննիչ քրեական դատարանի որոշմամբ ազատ արձակվեց։

«Այս գործընթացը չի կարող ինձ սահամանափակել, որովհետև այն գոյություն չունի։ Որպեսզի պատկերացնեք, թե ինչքան փնթի ու անհիմն գործընթաց է՝ իմ խուզարկության սանկցիայի մեջ գրված էր, որ ես «Արմենպրես»-ի տնօրենն եմ։ Այդ լոգիկայի մեջ բոլոր փաստաթղթերն էին», - ասաց Արա Սաղաթելյանը։