Օրվա լրահոս

Կարծում եմ, որ պետք է թուրքական ապրանքների արգելքները երկարացվեն, եթե քաղաքական և այլ առաջնահերթությունները չխանգարեն. այսօր ԱԺ-ում Կառավարության հետ հարցուպատասխանի ժամանակ պատասխանելով հարցին, թե թուրքական ապրանքների 6 ամսյա արգելքից հետո Հայաստան ներմուծելու մասով Կառավարությունը ի՞նչ որոշում ունի, ասաց Էկոնոմիկայի նախարար Վահան Քերոբյանը:

«Քանի դեռ մտել ենք այս ջուրը, իմաստ ունի երկարացնել և տալ բավարար ժամանակ մեր տնտեսվարողներին, որպեսզի իրենք կարողանան վերադասավորվել ներդրումներ անել, ստանալ այն շուկայի կամ արտադրանքի ծավալը, որը թույլ կտա արդեն մրցունակ լինել, և այդ ընթացքում պատրաստ ենք պաշտպանել մեր տեղական արտադրողներին, որպեսզի կարողանան գրավել ու ամրապնդվել այդ շուկայում»,- մեկնաբանեց նա:

Վահան Քերոբյանի խոսքով՝ ընդհանուր առմամբ հակված են, բայց տնտեսության, այս ժամանակահատվածի և այն որոշումները, որոնք արդեն կայացվել են ամենալավ լուծումը մեկ անգամ ևս երկաարցնելն է։
«Ի դեպ՝ մենք մեր տեղական արտադրողներին պատրաստվում ենք պաշտպանել, ոչ միայն թուրքական ապրանքների արգելքով, այլ բազմաթիվ այլ գործիքներով՝ շուկայի վերահսկման, ստանդարտների խիստ կիրառմամբ՝ ներմուծվող ապրանքների նկատմամբ, տեղական արտադրողներին զանազան այլ միջոցներով խրախուսելով»:


 

Վերջին նորություններ