Խաբածներդ ու դրանց մասին էմոցիաները շատ ավելի թարմ են, ժողովուրդը չի գա հրապարակ. Սմբատ Գոգյան

ԲՈԿ նախկին ղեկավար Սմբատ Գոգյանն իր ֆեյսբուքյան էջում անդրադարձել է վարչապետի կոչին, որով վերջինս քաղաքացիներին հրավիրել է Հանրապետության հրապարակ։

«Հավատալով ներուժիդ ժողովրդին խոստումներ կտաս ու կգաս իշխանության։ Առաջին հանրահավաքիդ բոլորը կգան։ Կասես, որ Ազգային Ժողովն է խանգարում զարգացմանն ու ժողովրդի պահանջով կցրվի Ազգային Ժողովը։

Հետո հաջորդ հանրահավաքին ավելի քիչ մարդ կգա ու դու կասես, որ Հրայր Թովմասյանն է խանգարում զարգացմանն ու ժողովուրդը կպահանջի Հրայր Թովմասյանը հեռանա։

Ու երբ երկրում ռազմական հեղաշրջման փորձ լինի ու դու ժողովրդին հրավիրես Հանրապետության հրապարակ, ապա մարդ չի գա, քանի որ բոլորին աևդեբ խաբել ես։ Ուզեցար լավն անել, բայց չկարողացար ու չփորձեցիր սովորել։ Չեն գա, բայց ներքուստ կիմանան, որ քո այլընտրանքը քեզանից վատն է։ Բայց միևնույն է չեն գա, քանի որ քո խաբածներդ ու դրանց մասին էմոցիաները շատ ավելի թարմ են», - գրել է Սմբատ Գոգյանը։