Էմանուել Մակրոնը կոչ է արել Ռուսաստանի իշխանություններին անհապաղ ազատ արձակել Նավալնուն

Ֆրանսիայի նախագահ Էմանուել Մակրոնն այսօր Մոսկվայում դատարանի որոշումից հետո կոչ է արել անհապաղ ազատ արձակել Ալեքսեյ Նավալնիին: ՌԴ ԱԳՆ-ն այդ արձագանքն անվանել է իրականությունից կտրված։

«Քաղաքական տարաձայնությունները հանցագործություն չեն։ Մենք կոչ ենք անում նրան անհապաղ ազատ արձակել։ Մարդու իրավունքների հարգելը, ինչպիսին ժողովրդավարական ազատությունն է, քննարկման ենթակա չէ», – Twitter-ի իր էջում գրել է Մակրոնը։

Մոսկվայի Սիմոնովսկիի դատարանը ժամեր առաջ չեղյալ է հայտարարել Ալեքսեյ Նավալնիի պայմանական պատժաչափը «Իվ Ռոշեի» գործով՝ փոխարինելով այն 3,5 տարվա իրական ժամկետով:

Ավելի վաղ, Սպիտակ տունը ևս կոչ է արել ազատ արձակել Նավալնիին։

:

[bfae2ca36b5fc343d3387061a13a22a6.jpg]