ՏԵՍԱՆՅՈՒԹ. Փոխոստիկանապետը՝ Նիկոլ Փաշինյանի դիվանագիտական անձնագրի հետ կապված սկանդալի մասին

Կառավարության նիստից հետո լրագրողները փոխոստիկանապետ Արա Ֆիդանյանին հիշեցրեցին, որ վարչապետի առանձնատուն ներխուժած անձանց գործողությունների մասին խոսելիս իրավապահները չեն տեղեկացրել Նիկոլ Փաշինյանի դիվանագիտական անձնագիրը գողանալու մասին, այնինչ երեկ, երբ լուրեր պտտվեցին, որ այդ անձնագիրը հայտնվել է ադրբեջանցիների մոտ, հայտարարվեց, թե այն ևս գողացվել է հայտնի իրադարձությունների ժամանակ:

Լրագրողները ցանկացան ճշտել, թե ինչու անձնագրի մասին մինչ այդ հայտարարություն չի եղել:

Փոխոստիկանապետն ասաց, որ տվյալ դեպքի հետ կապված հարուցված է քրեական գործ. «Կարծում եմ, որ ճիշտ կլինի, եթե նախաքննություն իրականացնող մարմինը ներկայացնի գործի հանգամանքներն ու մանրամասները»: