ՏԵՍԱՆՅՈՒԹ. Մահացու հրդեհ Եկատերինբուրգում. այրված բնակարանում հայտնաբերվել են մեծ քանակով ծխախոտի մնացորդներ
Ութ մարդ, այդ թվում՝ մեկ երեխա մահացել են Եկատերինբուրգի բնակելի շենքում տեղի ունեցած հրդեհի հետևանքով: Այս մասին տեղեկացնում է շրջանի արտակարգ իրավիճակների ծառայության աղբյուրը՝ փոխանցում է ТАСС գործակալությունը:
«2021-ի հունվարի 12-ի գիշերն իրավապահ մարմիններն ահազանգ են ստացել Եկատերինբուրգի ինըհարկանի բնակելի շենքում բռնկված հրդեհի մասին: Նախնական տեղեկությունների համաձայն՝ հրդեհի հետևանքով մահացել է ութ մարդ, այդ թվում՝ մեկ երեխա»,- նշվում է հաղորդագրության մեջ:
Առաջին և երկրորդ աստիճանի այրվածքներով հոսպիտալացվել է 17-ամյա դեռահաս: Բացի այդ, նրա մոտ ախտորոշվել է թունավորում:
