Եթե կողմերի փոխադարձ պահանջները չլուծվեն, ապա դժվար կլինի բացառել Ղարաբաղի շուրջ նոր սրացումները.Արկադի Դուբնով
Ըստ ռուս քաղաքագետ՝ Արկադի Դուբնովի, այօրվա եռակողմ հանդիպման հիմնական բովանդակային կետերից մեկը կլինի Հարավային Կովկասում տրանսպորտային միջանցքների կառուցման պլանը, որոնք պետք է միացնեն Թուրքիան և Ադրբեջանը (Նախիջևանը) Հայաստանի տարածքով, որն ակտիվորեն խթանում է Բաքուն՝ Անկարայի հետ միասին: Թուրքական դաշինքը ձգտում է շահագրգռել Մոսկվային ՝ այդ միջանցքի հայկական հատվածի նկատմամբ վերահսկողություն տրամադրելու հարցում, ինչը ապագայում հնարավորություն կտա ածխաջրածնային հոսքերը դիվերսիֆիկացնել դեպի Եվրոպա ՝ շրջանցելով Վրաստանը:
Կրեմլում կայանալիք գագաթնաժողովից հետո ակնկալվում է, որ հայտարարություն կստորագրվի, եթե, իհարկե, հնարավոր լինի դրա շուրջ համաձայնություն ձեռք բերել: Եթե կողմերի փոխադարձ պահանջները չեն կարող լուծվել այս կամ այն կերպ, ապա դժվար կլինի բացառել Ղարաբաղի շուրջ նոր սրացումները:
Մոսկվան հուսով է, որ բանակցությունները բավական արդյունավետ կլինեն և կկանխեն ԱՄՆ նոր վարչակազմի միջամտությունը՝ ղարաբաղյան գործընթացին: Այդ պատճառով նրանք շտապում են լուծել բոլոր հիմնական խնդիրները մինչ հունվարի 20-ը, երբ տեղի կունենա ԱՄՆ 46-րդ նախագահ Ջո Բայդենի երդմնակալության արարողությունը:
