21-ամյա վարորդը Volkswagen-ով վրաերթի է ենթարկել հետիոտնին
Այսօր, դեկտեմբերի 29-ին, մահվան ելքով վրաերթ է տեղի ունեցել Լոռու մարզում։ Ժամը 07։40-ի սահմաններում Վանաձորի բնակիչ 21-ամյա Արթուր Բախչինյանը Վանաձոր քաղաքի Հալաբյան 1 հասցեի դիմաց իր վարած Volkswagen Caddy մակնիշի ավտոմեքենայով վրաերթի է ենթարկել հետիոտն՝ Վանաձորի բնակիչ 70-ամյա Վաղինակ Մխոյանին։ Ինչպես հայտնում է ֆոտոլրագրող Գագիկ Շամշյանը, վարորդը փախուստի չի դիմել, ահազանգել է հիվանդանոց, օգնել է օպերատիվորեն դեպքի վայր ժամանած բժիշկներին՝ վիրավորին տեղափոխել «Վանաձոր» բժշկական կենտրոն, սակայն ճանապարհին նա մահացել է։
