Վարդենյաց լեռնանցքը մնում է դժվարանցանելի կցորդիչով մեքենաների համար
Դեկտեմբերի 26-ին՝ ժամը 18:00-ի դրությամբ‚ Կապանի, Սպիտակի, Գորիսի, Վարդենիսի տարածաշրջաններում, Արթիկ-Ալագյազ և Վանաձոր-Դիլիջան ճանապարհահատվածներում տեղ-տեղ մերկասառույց է։Հայտնում են ՀՀ տարածքային կառավարման և ենթակառուցվածքների նախարարությունից։
Վարդենյաց լեռնանցքը դժվարանցանելի է կցորդիչով տրանսպորտային միջոցների համար։
Միջպետական և հանրապետական նշանակության մյուս ավտոճանապարհները բաց են:
Ճանապարհաշինարարներն ավտոճանապարհներին կատարում են մաքրման, աղով, ավազով մշակման աշխատանքներ։
