Ուզբեկստանում 5.5 բալ ուժգնությամբ երկրաշարժ է տեղի ունեցել

Այսօր Ուզբեկստանի արևելյան հատվածում 5.5 բալ ուժգնությամբ երկրաշարժ է գրանցվել: Այս մասին հայտնում է ՏԱՍՍ-ը` եվրոպական-միջերկրածովյան սեյսմոլոգիական կենտրոնին հղումով:

Նշվում է՝ երկրաշարժի էպիկենտրոնը գտնվել է Ֆերգանա քաղաքից 18 կմ դեպի հարավ: Օջախը գտնվում էր 2 կմ խորության վրա:

Ըստ երկրի արտակարգ իրավիճակների նախարարությանը կից սեյսմիկ կանխատեսման մոնիտորինգի կենտրոնի տվյալների` հանրապետության մեծ մասում տեղի ունեցած 5.2 բալ ուժգնությամբ երկրաշարժի էպիկենտրոնը գտնվում էր հարևան Ղրղզստանում:

Այս առնչությամբ գերատեսչության կողմից տարածված հաղորդագրությունում, մասնավորապես, ասվում է. «Դեկտեմբերի 26-ին Տաշքենդի ժամանակով ժամը 15:28-ին (Երևանի ժամանակով 14:28), Ղրղըզստանում 5.2 բալ ուժգնությամբ երկրաշարժ էր տեղի ունեցել: Խորությունը` 10 կմ: Էպիկենտրոնից մինչև Տաշքենդ հեռավորությունը 238 կմ է դեպի հարավ-արևելք»:

Հավելվում է նաև, որ ցնցումների ուժը Ֆերգանայում 6 բալ է կազմել, Անդիժանում և Նամանգանում` 4 բալ, իսկ Տաշքենդում ու հանրապետության այլ քաղաքներում` 2 բալ: