Մեր ակնածանքն ու զորակցությունը հայտնենք Հայ առաքելական Սուրբ Եկեղեցուն. «Հայրենիքի փրկության շարժում»
Սիրելի՛ հայրենակիցներ, սգակիր քույրեր ու եղբայրներ, այս կիրակի՝ դեկտեմբերի 27-ին, հայոց բոլոր եկեղեցիներում կմատուցվի տարվա վերջին Ս. Պատարագը: Այս մասին հայտարարություն է տարածել «Հայրենիքի փրկության շարժման» խորհուրդը:
Հայտարարությունում նաեւ ասվում է. «Մասնակցենք սրբազան արարողությանը եւ զորանանք Ս. Հաղորդության խորհրդով: Եվս մեկ անգամ մեր ակնածանքն ու զորակցությունը հայտնենք Հայաստանյայց Առաքելական Սուրբ Եկեղեցուն, աղոթենք Հայոց աշխարհի անսասանության համար, մեր հերոս նահատակների հոգու խաղաղության համար, միասնականության եւ համերաշխության աղոթքով վերանորոգենք մեր հավատն ու համախմբվենք Հայաստանի առաջիկա հաղթանակների շուրջ»:
