ԱՄՆ Նեշվիլ քաղաքում պայթյուն է որոտացել. ոստիկանությունը կատարվածը որպես կանխամտածված գործողություն է որակել

Սուրբ Ծնունդի առավոտյան ԱՄՆ Թենեսի նահանգի Նեշվիլ քաղաքում մեծ պայթյուն է որոտացել. ոստիկանությունը կատարվածը որպես կանխամտածված գործողություն է որակել: 

Ոստիկանության աշխատակիցները, ովքեր սակրավորների են կանչել Սուրբ Ծնունդի առավոտյան Նեշվիլ քաղաքի կենտրոնում ֆուրգոնի պայթյունը հետաքննելու համար եւ մաքրե են տարածքը մինչ դրա պայթելը, պատվում են որպես հերոսների, փոխանցում է Fox News-ը:

Քաղաքապետ Ջոն Կուպերը պայթյունը որպես կանխամտածված գործողություն է որակել:

Ոստիկանությունն արձագանքել է կրակոցների մասին ահազանգին ուրբաթ վաղ առավոտյան, երբ դրանք բախվել են ֆուրգոնին:

Ըստ Նեշվիլի ոստիկանապետ Ջոն Դրեյքի` նա հաղորդում էր ստացել այն մասին, որ ֆուրգոնի մեջ կարող է ռումբ լինել, որը կպայթի 15 րոպեի ընթացքում:

Դրեյքը հայտնել է, որ սպաները սկսել են տարհանել մարդկանց մոտակա բնակելի շենքերից: Սակրավորներն արդեն պատասխանում էին ահազանգին, երբ ֆուրգոնը պայթեց:

Սպաներից մեկը, ոստիկանության փոխանցմամբ, պայթյունի արդյունքում կորցրել է լսողությունը: Հաղորդվում է, որ կա երեք տուժած, ովքեր աննշան վնասվածքներ են ստացել:

Հեռուստաալիքը հայտնում է նաեւ, որ պայթյունը նյութական վնաս է հասցրել շրջանի առնվազն 41 ձեռնարկությանը: