Շուրջ 43000 արցախցի է վերադարձել Լեռնային Ղարաբաղ

Վերջին մեկ օրում 351 մարդ Երեւանից ավտոբուսներով Ստեփանակերտ է վերադարձել ռուս խաղաղապահների ուղեկցությամբ: Այսպիսով, ռազմական գործողությունների դադարեցման պահից ի վեր շուրջ 43 հազար փախստականներ վերադարձել են Լեռնային Ղարաբաղում իրենց տները:

«Այսօր Երեւանից ավտոբուսներով 351 մարդ տեղափոխվել է Ստեփանակերտ: Ավտոբուսների երթեւեկությունն իրականացվել է Ռուսաստանի խաղաղապահ զորախմբի եւ ռազմական ոստիկանության պարեկների ուղեկցությամբ: Ընդհանուր առմամբ, շուրջ 43 հազար փախստականներ արդեն վերադարձել են Լեռնային Ղարաբաղում իրենց մշտական ​​բնակության վայրեր»,- նշված է ՌԴ ՊՆ հայտարարության մեջ: