Նամակներ եմ ստանում, թե գործատուները «զրուցել են» իրենց հետ գործադուլի և հանրահավաքի մասով. Ալեքսանյան
ՔՊ հանրային կապերի պատասխանատու Վահագն Ալեքսանյանը հայտնում է, որ նամակներ է ստանում որոշ հիմնարկների աշխատակիցներից և նրանց հարազատներից, թե իրենց հետ գործատուները «զրուցել են» գործադուլի և հանրահավաքի հետ կապված։
«Տարբեր նամակներ եմ ստանում կապված ՄիկՄետալ, Բջնի, 57 համարի երթուղային գիծ, Տաշիր առևտրի կենտրոն և այլ հիմնարկների աշխատակիցներից և նրանց հարազատներից։
Փաստում են, որ երեկ գործատուները «զրուցել են» աշխատակիցների հետ այսօրվա գործադուլի և հանրահավաքի հետ կապված։
Պետք է փաստել, որ ընդդիմությունը գործի է դրել իր ԱՄԲՈՂՋ հնարավոր ռեսուրսը, գնալով նաև որոշակի լյուստրացիայի պետական կառավարման համակարգում։
Հետաքրքիր է՝ ինչպիսի՞ն է այդ արդյունքը»,-հայտնում է ՔՊ հանրային կապերի պատասխանատու Վահագն Ալեքսանյանը։
