Մտածեցի՝ միացել եք «Հայրենիքի փրկության շարժմանը» և գործադուլ եք հայտարարել. Հռիփսիմե Առաքելյանը՝ Հայկ Մարությանին
Երևանի ավագանու հերթական նիստին քաղաքապետ Հայկ Մարությանը միացավ ուշացած։
«Ճիշտն ասած, առաջին հատվածում որ չկայիք, մտածեցի՝ միացել եք «Հայրենիքի փրկության շարժմանը» և գործադուլ եք հայտարարել։ Ձեզնից այդ սպասելիքն ունեի, բայց, փաստորեն, կեսից փոշմանեցիք և վերադարձաք», - դիմելով Հայկ Մարությանին՝ ասաց «Բարգավաճ Հայաստան» խմբակցության անդամ Հռիփսիմե Առաքելյանը։
Նա նշեց, թե այսօր միայն մեկ օրակարգ կա՝ բոլորին կոչ անելով միանալ իրենց և մասնակցել գործադուլի և դասադուլի։
«Կոչ եմ անում, որ միանաք մեզ և հասկանաք մեկ իրողություն, որ այսօր երկրում այլ օրակարգ, պարզապես, չունենք։ Մեր միակ օրակարգը վարչապետ Փաշինյանի հրաժարականն է: Առավել քան վստահ եմ, որ բազում հույզեր ունեք, շատ հարցերում անհամաձայնություններ ունեք և շատ լավ պատկերացնում եք, որ այս ամենը հասնում է իր տրամաբանական ավարտին։ Միացեք մեզ՝ պահանջելու այն մարդու հրաժարականը, որը մեր երկիրը կանգնեցրել է այսպիսի խայտառակ իրողության առջև», - ասաց Հռիփսիմե Առաքելյանը։
