Պուտինը ևս մեկ երեխայի երազանք է կատարել՝ նրա հետ դուրս գալով սահելու
ՌԴ նախագահ Վլադիմիր Պուտինն իրականացրել է Չելյաբինսկի մարզում բնակվող Դիմայի երազանքը և նրա հետ միասին դուրս է եկել սահելու Կարմիր հրապարակում:
Ինչպես հայտնում է РИА Новости-ն, տղայի երազանքը ՌԴ նախագահն իրականացրել է «Ցանկությունների տոնածառ» ակցիայի շրջանակներում, որին ևս մեկ անգամ մասնակցել է կամավորի օրվան նվիրված առցանց միջոցառման ժամանակ: Նախագահը խոստացել էր սահել 9-ամյա Դիմայի հետ, որի երազանքն էր «լինել Կարմիր հրապարակում, սահել չմուշկներով և տեսնել, թե որտեղ է Կրեմլում աշխատում ՌԴ նախագահը»:
Հիշեցնենք, որ անցյալ շաբաթվա ընթացքում ՌԴ նախագահի նախաձեռնությամբ իրականացվել էր Տուլսկի մարզի 10-ամյա բնակիչ Սաշայի երազանքը, որը ցանկացել էր պանդայի գրկել: Տղան ծնողների հետ այցելել էր Մոսկվայի կենդանաբանական այգի, որտեղ աշխատակիցների ուղեկցությամբ շրջել էր հատուկ վարժեցման սրահներում և հանդիպել պանդային:
