Առաջին միջադեպը հրապարակում. ոստիկանությունը Անդրանիկ Քոչարյանի հրահանգով հեռացրեց քաղաքացուն

Հանրապետության հրապարակից մեկնարկող սգո երթից առաջ առաջին միջադեպը տեղի ունեցավ։ ՀՀ ԱԺ «Իմ քայլը» խմբակցության պատգամավոր, Պաշտպանության ու անվտանգության հարցերի հանձնաժողովի նախագահ Անդրանիկ Քոչարյանի հրահանգով ոստիկանները հեռացրին քաղաքացուն հրապարակից։

Լարումը սկսվեց լրատվամիջոցների հետ ճեպազրույցից, երբ Քոչարյանը հրաժարվեց պատասխանել «5-րդ ալիքի» լրագրողի հարցերին` նրան մեղադրելով սադրելու մեջ։ Լրագրողների հետ վիճաբանությանը խառնվեցին նաև Քոչարյանին շրջապատող այլ անձինք։

«Մենք բոլորս պետք է գնանք Եռաբլուր, ու Եռաբլուրում մեզ սպասողներ կան` հանձին մեր հանգուցյալ զինվորների,– հայտարարեց Քոչարյանը,– Մունդռիկները երեկ ամեն ինչ փորձեցին անել, չստացվեց, այսօր էլ չի ստացվելու»։