Թումանյան-Նալբանդյան փողոցների խաչմերուկում բախվել են «Lexus» և «Volkswagen» մակնիշների ավտոմեքենաներ
Դեկտեմբերի 8-ին, խոշոր ավտովթար է տեղի ունեցել Երևանում:
Ժամը 22:30-ի սահմաններում Թումանյան-Նալբանդյան փողոցների խաչմերուկում ճակատ-ճակատի բախվել են Lexus մակնիշի 40 TT 440 համարանիշի և Volkswagen մակնիշի RՍ 001 AM վրացական համարանիշներով ավտոմեքենաները, տեղեկացնում է shamshyan.com-ը:
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 2 հոգի, որոնցից մեկը հղի կին է, մարմնական վնասվածքներով տեղափոխվել են թիվ 1 համալսարանական հիվանդանոց:
Վարորդներին և վիրավորներին առաջինը օգնության են հասել քաղաքացիներն ու օպերատվիվորեն ժամանած Արտակարգ իրավիճակների նախարարության փրկարար ծառայության Երևանի հրշեջ-փրկարարական ջոկատը՝ 1 մարտական հաշվարկով:
Փրկարարները հոսանքազրկել են ավտոմեքենաները, սահմանազատել տարածքը:
