Վլադիմիր Պուտինը ներառվել է 2020 թվականի «գլխավոր մարդկանց» ցուցակում. Bloomberg

Ամերիկյան Bloomberg գործակալությունն ազդեցիկ անձանց ցանկ է կազմել, որոնք «արժանի են առանձին ուշադրության», նրանց թվում է նաև ՌԴ նախագահ Վլադիմիր Պուտինը: 

Ինչպես ներկայացնում է РИА Новости-ն, 50 հոգուց կազմված ցանկում տեղ են գտել մարդիկ, որոնք գլխավորապես բնորոշել են 2020 «աննախադեպ» թվականը: Ցանկը բաժանված է 5 բաժնի՝ բիզնես, քաղաքականություն, ժամանց, ֆինանսներ, գիտություն և տեխնիկա: Յուրաքանչյուր բաժնում, ըստ գործակալության, ներկայացված են մարդիկ, որոնց նվաճումներն արժանի են ուշադրության: 

Ցանկում ներկայացված են ամենատարբեր ոլորտների ներկայացուցիչներ, ինչպես օրինակ՝ բելառուս ընդդիմադիր առաջնորդ Սվետլանա Տիխանովսկայան, ԱՄՆ գլխավոր վարակաբան Էնթոնի Ֆաուչին, երգչուհի Բիլլի Այլիշը: 


Պուտինից բացի ընդգրկվել են նաև այլ համաշխարհային առաջնորդներ, որոնց թվում են ԱՄՆ նախագահ Դոնալդ Թրամփը, ինչպես նաև 2020-ի նախագահական ընտրությունների դեմոկրատ թեկնածու Ջո Բայդենը, Ֆրանսիայի ղեկավար Էմանուել Մակրոնը, Մեծ Բրիտանիայի վարչապետ Բորիս Ջոնսոնը, Բրազիլիայի նախագահ Ժայիր Բոլսոնարուն, ԿԺԴՀ առաջնորդ Կիմ Չեն Ընը, Գերմանիայի կանցլեր Անգելա Մերկելը, Հնդկաստանի վարչապետ Նարենդրա Մոդին և Չինաստանի ղեկավար Սի Ծինփինը: 

Քաղաքական գործիչներից բացի ցանկում տեղ են գտել նաև այլ անձինք, որոնց թվում Alphabet ընկերության ղեկավարներ Սերգեյ Բրինը և Լարի Փեյջը, Amazon-ի տնօրեն Ջեֆ Բեզոսը,  Berkshire Hathaway-ի ղեկավար Ուորեն Բաֆեթը, Apple-ի գլխավոր տնօրեն Թիմ Քուկը,  Tesla-ի հիմնադիր Իլոն Մասկը և Facebook-ի հիմնադիր Մարկ Ցուկերբերգը: