Հայաստանում աղքատության մակարդակը 2019-ին կազմել է 26.4% այն դեպքում երբ գրանցվել էր 7.6% տնտեսական աճ
Հայաստանում աղքատության մակարդակը 2019-ին կազմել է 26.4% այն դեպքում, երբ ՀՀ տնտեսությունը նախորդ տարվա նկատմամբ գրանցել է զգալի աճ՝ 7.6%, որը գերազանցում է 2018-ին գրանցված 5.2% աճին: 2019-ի աղքատության մակարդակի ցուցանիշը համադրելի չէ 2018-ին արձանագրված 23.5% աղքատության ցուցանիշին՝ պայմանավորված աղքատության գծի, ինչպես նաև սպառման և աղքատության չափման մեթոդաբանության փոփոխությամբ: Այս մասին ասվում է ՀՀ Վիճակագրական կոմիտեի հրապարակած տվյալներում:
