Ռուս խաղաղապահները վերահսկում են Լաչինի՝ 5 կմ լայնությամբ միջանցքը
Ռուս խաղաղապահները վերահսկում են Լաչինի՝ 5 կմ լայնությամբ միջանցքը, որով ապահովվում է կապը Լեռնային Ղարաբաղի և Հայաստանի միջև, ինչպես նաև բնակիչների վերադարձն իրենց նախկին բնակավայրեր և քաղաքացիական տրանսպորտի երթևեկությունը: Այս մասին գրում է ТАСС-ը հղում կատարելով ՌԴ պաշտպանության նախարարության պաշտոնական ներկայացուցիչ, գերենալ մայոր Իգոր Կոնաշենկովին։
«Դեկտեմբերի 1-ից Ռուսաստանի Դաշնության, Ադրբեջանի նախագահների և Հայաստանի վարչապետի եռակողմ համատեղ հայտարարության համաձայն՝ ռուս խաղաղապահ ուժերի վերահսկողությամբ ադրբեջանական կողմին է փոխանցվել Լեռնային Ղարաբաղի Լաչինի շրջանը: Ռուս խաղաղապահների կողմից վերահսկվում է Լաչինի միջանցքը՝ 5 կմ լայնությամբ: Դրանով ապահովվում է կապը Հայաստանի հետ, մարդկանց անվտանգ վերադարձն իրենց բնակության վայրեր և քաղաքացիական ավտոտրանսպորտի երթևեկությունը»,- ասել է ՌԴ ՊՆ ներկայացուցիչը։
