Էկոնոմիկայի նախարարն անդրադարձել է ՀՀ շուկան Ադրբեջանի համար բացվելու մասին իր հայտարարությանը

Ես ասել եմ՝ կբացվեն ճանապարհները, կմոդեռնիզացնենք մեր տնտեսությունը եւ օրերից մի օր միգուցե բացվեն ճանապարհները, դուք վերցրել եք կոնտեքստից միայն վերջին մասը: Այս մասին News.am-ի փոխանցմամբ այսօր  ԱԺ-ում լրագրողների հետ զրույցում նշեց Էկոնոմիկայի նոր նախարար Վահան Քերոբյանը՝ անդրադառնալով «Առաջին ալիքին» տված իր հարցազրույցին, որտեղ նշել էր. «Միգուցե նաև բացվի Ադրբեջանի շուկան մեզ համար, և մեր շուկան՝ Ադրբեջանի համար»:

Դիտարկմանը, որ մի կողմից մերժում ենք թուրքական ապրանքները, մյուս կողմից նախարարը նման հայտարարություն է անում, Քերոբյանն արձագանքեց. «Խնդրում եմ՝ մանիպուլյացիա մի արեք: Շատ ներողություն եմ խնդրում, ես հարգում եմ լրագրողի մասնագիտությունը, բայց մանիպուլյացիոն եւ անիմաստ խոսակցություններին չեմ պատասխանում ժամանակ ծախսել»:

Հարցին, որ ինքը ժամանակին եղել է սուպերմարկետների ցանցի ղեկավար, որը սնանկացման է հասցրել, հիմա ինչպես է հաջողելու նխարարի պաշտոնում, նա պատասխանեց. «Ես օրինքի առաջ որեւէ պարտավորություն չունեմ եւ այս թեման այսքանով փակում ենք: Դա եղել է իմ աշխատանքից դուրս գալուց մոտավորապես 1,5 տարի հետո: Ես չեմ դրան հասցրել»: