Գյումրիում ռուս զինծառայողի դի են հայտնաբերել

Ռուս զինծառայողներից մեկը Գյումրիի զորամասի տարածքից դուրս գտնվող բնակության վայրում հայտնաբերել է համածառայակցի մարմինը` առանց կյանքի նշանների։ Sputnik Արմենիայի հետ զրույցում լուրի մասին հաստատեցին ՌԴ Հարավային ռազմական օկրուգի մամուլի ծառայությունից։

«Ռուսաստանի Հարավային ռազմական օկրուգի ռուսական ռազմակայանի հրամանատարության հանձնաժողովը իրավապահների հետ համատեղ հետաքննություն է անցկացնում պայմանագրային զինծառայողի մահվան փաստով։ Զինծառայողի մարմնի վրա բռնության հետքեր չեն հայտնաբերվել»,–ասացին մամուլի ծառայությունից։

Դեպքի բոլոր հանգամանքները պարզվում են։