Նոյեմբերի 20-ին մի խումբ կամավորներ մեկնեցին Քարվաճառ, որպեսզի լքված տարածքներից բերեն շներին և կատուներին, որոնց տերերը չեն վերցրել իրենց հետ` տարածքից գնալիս։ Կենդանիները չէին լքում իրենց տները և բոլորն, առանց բացառության, աննկարագրելի վախեցած էին: 

Հայտնում է DINGO Team / ԴԻՆԳՈ Թիմ ՖԲ էջը: 

Երևան է բերվել 35 շուն և 8 կատու։ Շնորհակալ ենք Թափառող Կենդանիների Վնասազերծման Կենտրոն / Stray Animals Center-ին, ովքեր իրենց վրա վերեցրեցին 17 շան ստերջացումը։ 17 շներն այժմ գտնվում են ՀՈԱԿ-ում, սպասում իրենց ստերջացման հերթին։ Կատուները գտնվում են

Oscar Vet Vetclinic-ում, որպեսզի նույնպես ստերջացվեն։ Մնացած շները և ձագուկները գտնվում են տարբեր օրավարձերով տարածքներում։

Մենք ձեր օգնությամբ ամեն ինչ պետք է անենք, որ բոլոր շների ու կատուների համար կարողանանք գտնել տուն։ Կենդանիների մեջ կային նաև բավականին ծերերը և հիվանդները, որոնք կտեղափոխվեն ու մշտական կապրեն մեզ մոտ։ Կիրակի օրը՝ նոյեմբերի 22-ին կամավորները մեկ անգամ ևս կգնան՝ նոր կենդանիներ բերելու։

ՇՆՈՐՀԱԿԱԼՈՒԹՅՈՒՆ բոլոր կամավորներին, ովքեր ստանձնեցին այս դժվարին գործը -

Gohar Manushakyan Chalyan, Hrant Davoyan, Ruzik Gasparyan, Marina Gevorgyan, Քրիստինա Գևորգյան, Karina La: