Ստեփանակերտում մթերքների մատակարարման խափանումներ չկան. ՌԴ ՊՆ

Ստեփանակերտում Հումանիտար արձագանման միջգերատեսչական կենտրոնի աջակցությամբ խաղաղ կյանքը վերականգնվում է` մթերքների մատակարարման խափանումներ չկան, հացի արտադրության ձեռնարկություններն ամբողջական հզորությամբ վերականգնել են աշխատանքները, հաղորդում է ՌԴ ՊՆ կայքէջը:

Հաղորդվում է, որ Ստեփանակերտից հաց է մատակարարվում հարակից բնակավայրեր:

Բացի այդ, քաղաքում շարունակվում են էլեկտրա/գազամատակարարման վերականգնման աշխատանքները բնակելի տներում և հասարակական նշանակության կառույցներում, վերականգնվում է հասարակական տրանսպորտի աշխատանքն ու կապը հեռու բնակավայրերի հետ, վերաբացվում են խանութները: